اسلام آباد مارچ کے لیے بشریٰ بی بی متحرک، پنجاب سے پی ٹی آئی کے منتخب نمائندے پشاور طلب
ذرائع نے بتایا کہ بشریٰ بی بی اب پارٹی کے تمام معمولات کو دیکھ رہی ہیں اور دھرنے اور احتجاج کی تیاریوں کے حوالے سے ہدایت بھی دے رہی ہیں . ذرائع نے مزید بتایا کہ بشریٰ بی بی تمام اراکین سے اسلام آباد مارچ اور دھرنے کے حوالے سے میٹنگ کرنا چاہتی ہیں اوران سے تیاریوں کے حوالے سے رپورٹ بھی لیں گی . انہوں نے بتایا کہ بشریٰ بی بی نے منتخب نمائندوں کے علاوہ پارٹی ٹکٹ پرالیکشن لڑنے والے امیدواروں کو بھی طلب کیا ہے . کیا بشریٰ بی بی سیاسی بیٹھک میں شرکت کررہی ہیں؟ باخبر ذرائع بتاتے ہیں کہ بشریٰ بی بی جیل سے رہائی کے بعد سیاسی طور پرسرگرم ہیں اور پارٹی کے اہم رہنماؤں کے ساتھ پارٹی اجلاسوں میں بھی شرکت کر رہی ہیں . ذرائع نے بتایا کہ گزشتہ روز وزیراعلیٰ ہاؤس پشاورمیں مرکزی قیادت کا اجلاس ہوا جس میں بشریٰ بی بی بھی شریک تھیں . تاہم پی ٹی آئی کے بعض ذرائع اس کی تردید کررہےہیں . مرکزی سکریٹری اطلاعات وقاص اکرم شیخ سے اس حوالے سے پوچھا گیا تو انہوں نے بشریٰ بی بی کی سیاسی سرگرمیوں کے حوالے سے اطلاعات کی تردید کر دی . وقاص اکرم شیخ نے ’وی نیوز‘ کو بتایا کہ بشریٰ بی بی سیاسی اجلاسوں شرکت نہیں کر رہی ہیں‘ گزشتہ روزایک اجلاس میں، میں خود شریک تھا اس میں بشریٰ بی بی نے شرکت نہیں کی تھی‘ . دوسری جانب ذرائع اس بات کی تصدیق کر رہے ہیں کہ بشریٰ بی بی پشاورمیں تمام سیاسی معمولات کو دیکھ رہی ہیں اور مرکزی قیادت کے ساتھ بیٹھ کراسلام آباد مارچ اور دھرنے کی مکمل تیاری کر رہی ہیں اور بشریٰ بی بی کی پشاورآمد کے بعد مرکزی قائدین نے بھی پشاور میں ڈھیرے ڈال دیے ہیں . مارچ کی کال عمران خان نے دی ہے بشریٰ بی بی یا کسی کی ہدایت کی ضرورت نہیں وقاص اکرام شیخ نے وی نیوز کوبتایا کہ 24 نومبرکو اسلام آباد مارچ کی کال بانی پی ٹی آئی عمران خان نے دی ہے اور اس حوالے سے کسی سے مشاورت کی اب ضرورت نہیں ہے . انہوں نے بتایا کہ اسلام آباد مارچ کے لیے سب نے نکلنا ہے‘، اس کے لیے بشریٰ بی بی یا کسی اور سے مشاورت یا ہدایت لینے کی ضرورت درپیش ہی نہیں ہے‘ . انہوں نے بتایا کہ پنجاب کے اراکین کو پارٹی قیادت نے پشاور طلب کیا ہے . جن سے اسلام آباد مارچ کی تیاریوں کے حوالے رائے لی جائے گی اور مارچ کے حوالے سے منصوبے کو بھی حتمی شکل دی جائے گی . انہوں نے بتایا کہ پارٹی کے تمام منتخب نمائندے اپنی ریلیوں کی قیادت کریں گے اور تمام اخراجات بھی برداشت کریں گے، ان کا کہنا ہے کہ اراکین الیکشن میں اخراجات برداشت کر سکتے ہیں تو پارٹی مارچ کے لیے بھی کر سکتے ہیں . . .
