مچھلی تازہ ہے یا باسی؟ چند نشانیاں یاد رکھیں اور صحت خراب ہونے سے بچائیں

اسلام آباد (قدرت روزنامہ)کیا آپ کے ساتھ کبھی ایسا ہوا ہے کہ آپ نے مچھلی خریدی ہو لیکن اسے کھانے کا موقع نہ ملا ہو؟ یا پھر آپ کے فریج میں بچی ہوئی مچھلی تو موجود ہے لیکن آپ یہ جاننا چاہتے ہیں کہ اسے اب کھانا بھی چاہیے یا نہیں یا پھر کہیں یہ خراب تو نہیں ہوگئی؟ تو ہم آپ کو چند ٹپس بتاتے ہیں جن کی مدد سے آپ کھانے سے پہلے مچھلی کی جانچ کرسکتے ہیں-
اگر کچی مچھلی اب بھی کھانے کے قابل ہو گی تو اس میں سے 'صاف' اور 'سمندری' بو آتی ہے . اس کی آنکھیں صاف اور گوشت روشن اور چمکدار ہونا چاہیے .

اگر آپ جانتے ہیں کہ تازہ مچھلی کی خوشبو کیسی ہوتی ہے، تو یہ آپ کو تازہ مچھلی کو خراب سے الگ کرنے میں مدد دے سکتی ہے . اگر کوئی پکائی ہوئی مچھلی خراب ہو گئی ہو تو آپ اسے سونگھ سکتے ہیں .
اگر اس سے تیز اور گندگی کی بو آتی ہے اور آپ کو اسے کھانے کا دل نہیں کرتا تو آپ کو اسے نہیں کھانا چاہیے-
اگر کچی مچھلی کی بو عجیب سی ہو٬ گوشت کا رنگ تبدیل ہو اور اس کی آنکھوں میں چمک بھی موجود نہ ہو تو آپ کے لیے اسے پھینک دینا ہی بہتر ہے-
اس کے علاوہ اگر کوئی پکی ہوئی مچھلی کچھ دن سے رکھی ہوئی ہے اور آپ اسے دوبارہ کھانا چاہتے ہیں تو پہلے اس کی بو ضرور سونگھ لیں- ویسے عام اصول یہ ہے کہ کوئی بھی سمندری غذا 3 دن سے زیادہ نہیں رکھنی چاہیے-