بھارتی کرکٹر نے اسٹینڈ میں بیٹھی خاتون تماشائی کے منہ پر گیند مار دی

واقعہ جنوبی افریقہ کیخلاف میچ کے دوران پیش آیا
جوہانسبرگ(قدرت روزنامہ)بھارتی کرکٹر سنجو سیمسن کے چھکے کے باعث اسٹینڈ میں بیٹھی خاتون تماشائی کے منہ پر گیند جالگی۔
گزشتہ روز چوتھے ٹی20 میچ میں جنوبی افریقہ اور بھارت کی ٹیمیں جوہانسبرگ میں مدمقابل آئیں، اس میچ بھارتی اوپنر سنجو سیمسن نے جارحانہ بیٹنگ کرتے ہوئے 56 گیندوں پر 6 چوکوں اور 9 چھکوں کی مدد سے 109 رنز کی اننگز کھیلی۔
بھارت نے یہ میچ جنوبی افریقہ کیخلاف باآسانی 135 رنز سے جیت لیا۔
سنجو سیمسن کی بیٹنگ کے دوران میچ کی پہلی اننگز کے 10ویں اوور میں ٹرسٹن اسٹبس کی گیند پر ایک چھکا لگایا اور گیند میدان سے باہر اسٹینڈ میں بیٹھی خاتون تماشائی کے منہ پر جالگی، جس کے باعث وہ زخمی ہوگئی۔
پرستار خاتون کو چوٹ لگنے پر انہیں فوراً برف لگائی گئی جبکہ بیٹر سنجو سیمسن بھی انتہائی معذرت خواہ نظر آئے۔
واقعہ کی ویڈیو شوشل میڈیا پلیٹ فارمز پر تیزی سے وائرل ہورہی ہے۔