جنت مرزا حجاب پہن کر بھی تنقید کی زد میں کیوں؟
لاہورـ(قدرت روزنامہ)پاکستانی معروف ٹک ٹاکر جنت مرزا نے سعودی عرب میں عبایا پہننے کے بعد حجاب صحیح سے نہ باندھ پانے کا انکشاف کرتے ہوئے ایک خاص ویڈیو شیئر کردی۔
جنت مرزا کا نام ان ٹک ٹاکرز میں شمار کیا جاتا ہے جنہوں نے پاکستان میں ٹک ٹاک ویڈیوز بنانی شروع کیں اور شہرت حاصل کرنے میں کامیاب رہیں۔
انہوں نے ٹک ٹاک سے شہرت حاصل کرنے کے بعد پنجابی فلم ’تیرے باجرے دی راکھی‘ میں بھی کام کیا۔
جنت مرزا اپنی بہترین لپ سنک اور فیشن سینس کے سبب پہچانی جاتی ہیں اور ان کی فین فالوئنگ نہ صرف پاکستان بلکہ بھارت میں بھی ہے۔
View this post on Instagram
جنت مرزا ان دنوں ادائیگی عمرہ کیلئے سعودی عرب میں موجود ہیں جہاں سے انہوں نے ایک ویڈیو فوٹو اینڈ ویڈیو شیئرنگ ایپ انسٹاگرام پر بطور اسٹوری شیئر کی۔
اس ویڈیو میں دیکھا جاسکتا ہے کہ جنت مرزا ہلکا گلابی عبایا پہنی ہوئی ہیں اور ایک خاتون کے سامنے زمین پر اکڑو بیٹھی ہوئی ہیں۔
عبایے کے ساتھ حجاب پہنی ہوئی خاتون جنت مرزا کے سر پر بھی حجاب باندھ رہی ہیں اور اسی بارے میں جنت مرزا نے اسٹوری کے ساتھ کیپشن میں لکھا۔
انہوں نے لکھا کہ ‘ مجھے اپنے حجاب کو صحیح طرح پہنے رکھنے میں دشورای کا سامنا تھا، انہوں نے مجھے دیکھا اور اپنے پاس بُلایا، میرے حجاب کو درست طرح باندھا اور میرے ماتھے کو چوم لیا’۔
جنت مرزا نے اس لمحے کو بہت خاص قرار دیتے ہوئے لکھا کہ ‘یہ لمحہ ہمیشہ میرے دل میں رہے گا’۔
ویڈیو سوشل میڈیا پر بطور پوسٹ وائرل کیا ہوئی ناقدین مختلف تبصرے کرنے شروع کردیے۔ ایک صارف نے لکھا کہ ‘ہاں عادت جو نہیں ہے حجاب کی مشکل ہی پیش آنی تھی’ ، جبکہ ایک صارف نے جنت مرزا کو کھری کھری سناتے ہوئے لکھا کہ ‘افسوس جس باحجاب خاتون نے آپ کی مدد کی اس کو ہی آپ نے پوری دنیا کے سامنے بے پردہ کردیا ویڈیو شیئر کر کے، آپ کو شرم آنی چاہئے’۔
