نازیبا ویڈیو کے ذریعے لڑکی کو بلیک کرنیکا کیس؛ ملزمان ناقابل ضمانت وارنٹ گرفتاری جاری

کراچی(قدرت روزنامہ)سندھ ہائیکورٹ نے نوجوان لڑکی کو نازیبا ویڈیو کے ذریعے بلیک میل کرنے کے مقدمے میں 3 ملزمان کے ناقابل ضمانت وارنٹ گرفتاری جاری کر دیے۔
ہائیکورٹ میں نوجوان لڑکی کو نازیبا ویڈیو کے ذریعے بلیک میل کرنے کے مقدمے میں ملزمان کے خلاف کارروائی کرنے سے متعلق درخواست کی سماعت ہوئی۔
درخواستگزار کے وکیل سعید الزماں ایڈووکیٹ نے موقف دیا کہ الفلاح پولیس نے ایک سال پہلا مقدمہ درج کیا لیکن کارروائی نہیں کی۔ ملزم تابش نے مدعیہ کو بیلک میل کرکے 2 گھر بھی ہتھیا لیے۔ ملزم نے نازیبا ویڈیو سوشل میڈیا پر ایک سال پہلے وائرل کی تھی۔
عدالت نے ملزم تابش، خالد خوشابہ اور عبد الحمید کے ناقابل ضمانت وارنٹ گرفتاری جاری کر دیے۔