آریان خان کیس میں نیا موڑ؛ معروف اداکارہ کے گھر پر بھی چھاپہ، لیپ ٹاپ اور موبائل ضبط
اسلام آباد (قدرت روزنامہ)منشیات کیس میں گرفتار آریان خان کے بعد ایک اور معروف اداکارہ کو این سی بی کی جانب سے طلب کرلیا گیا ہے۔
میڈیا رپورٹس کے مطابق بالی کی معروف اور نوجوان اداکارہ اننیا پانڈے کو گزشتہ روز این سی بی کے دفتر کے باہر دیکھا گیا تھا جہاں ان کے والے چنکی پانڈے بھی ان کے ہمراہ دیکھائی دیئے تھے۔
View this post on Instagram
رپورٹس میں بتایا گیا ہے کہ این سی بی کی جانب سے اننیا پانڈے کو تفتیش کے لئے طلب کیا گیا جس کے بعد اداکارہ اپنے والد چنکی پانڈے کے ساتھ نارکوٹکس کنٹرول بیورو کے دفتر گئی جہاں پر ان سے 2گھنٹے تک پوچھ گچھ کی گئی۔
رپوڑس میں بتایا گیا ہے کہ نارکوٹکس کنٹرول بیورو نے بھارتی اداکارہ اننیا پانڈے کے گھر پر چھاپہ مار کر لیپ ٹاپ اور موبائل فون قبضے میں کرلئے ہیں۔
یاد رہے کہ گزشتہ روز آریان کی درخواست ضمانت کی سماعت کے دوران عدالت میں آریان اور ان کی آنے والی فلم کی ساتھی اداکارہ کی واٹس ایپ چیٹ پیش کی گئی تھی جس میں ان دونوں نے منشیات سے متعلق گفتگو کی تھی۔
