عظمیٰ بخاری پی ٹی آئی کے مردہ قرار دیے گئے شخص کی ویڈیو سامنے لے آئیں

لاہور (قدرت روزنامہ)وزیر اطلاعات پنجاب عظمیٰ بخاری نے سماجی رابطے کی ویب سائٹ ایکس پر پی ٹی آئی پروپیگنڈا سیل کی طرف سے مردہ قرار دیئے شخص کی ویڈیو شیئر کر دی۔
عظمیٰ بخاری نے ویڈیو شیئر کرکے پی ٹی آئی کے پروپیگنڈا کا بھانڈا پھوڑ دیا۔
انہوں نے سوشل میڈیا پر بیان جاری کرتے ہوئے کہا کہ تحریک انصاف کا پروپیگنڈا سیل جھوٹ بیچنے اور لاشیں ڈھونڈ نے کی کوشش کر رہا ہے۔

ان کا کہنا ہے کہ ناکام بغاوت کے بعد یہ فیک ویڈیو اور تصاویر کا سہارا لے رہے ہیں، فیک نیوز اور جھوٹا پروپگنڈا کرنے والوں کےخلاف ایکشن ہوگا۔
عظمیٰ بخاری کے مطابق بقول کچھ محبِ وطن پاکستانیوں کا کہنا ہے کہ یہ سب کرنا ان کے بنیادی حقوق ہیں۔