جونیئر ہاکی ایشیا کپ: پاکستان نے ملائیشیا کو شکست دے کر سیمی فائنل کے لیے کوالیفائی کرلیا

اسلام آباد (قدرت روزنامہ)جونیئر ایشیا ہاکی کپ کے آخری گروپ میچ میں پاکستانی ٹیم نے ملائیشیا کو شکست دے کر سیمی فائنل کے لیے کوالیفائی کرلیا۔پاکستان نے اپنا آخری گروپ میچ عمان کے شہر مسقط میں کھیلا اور فتح حاصل کرکے اپنے گروپ میں ناقابل شکست رہا۔
پاکستان ہاکی ٹیم کے کھلاڑی سفیان خان نے ملائیشیا کے خلاف میچ میں ہیٹرک کی، اور یہ ایونٹ میں ان کی دوسری ہیٹرک تھی۔
پہلے ہاف میں ملائیشیا کی ٹیم نے گول کرکے برتری کو برابر کیا، تاہم اس کے باوجود حریف ٹیم کوئی بھی گول کرنے میں ناکام رہی۔
قومی ٹیم کے کھلاڑیوں نے شاندار کھیل کا مظاہرہ کرتے ہوئے مسلسل 4 گول کیے۔
شاندار کھیل کا مظاہرہ کرنے پر گول کیپر فیضان جنجوعہ مین آف دی میچ کے مستحق قرار پائے۔ اب سیمی فائنل میں پاکستان کا مقابلہ جاپان سے ہوگا۔