کرپشن ہماری ترقی کھا گئی، حکومتی نظام کھوکھلا کردیا، وزیراعلیٰ سندھ

کراچی(قدرت روزنامہ)وزیراعلیٰ سندھ مراد علی شاہ نے کہا ہے کہ کرپشن ہمارے معاشرے میں کینسر کی طرح سرائیت کرگئی ہے جو نہ صرف ہماری ترقی کھا گئی بلکہ حکومتی نظام کو بھی کھوکھلا کردیا ہے۔
انٹرنیشنل اینٹی کرپشن ڈے پر اپنے پیغام میں مراد علی شاہ نے کہا کہ اس سال اینٹی کرپشن ڈے کا عنوان ’’کل کے تحفظ کیلئے نوجوانوں کو کرپشن کیخلاف متحد کرنا‘‘ ہے، یہ عنوان کرپشن کیخلاف نوجوانوں کے قائدانہ کردار کا تقاضہ کرتا ہے۔
مراد علی شاہ نے کہا کہ نوجوان قوم کے ’’کل‘‘ کو بچانے کیلئے آج کرپشن کیخلاف اٹھ کھڑے ہوں، بدعنوانی کے خلاف سب کو مل کر جدوجہد کرنا ہوگی، کرپشن کیخلاف جنگ میں عوام حکومت کا ساتھ دیں۔
وزیراعلیٰ سندھ نے کہا کہ حکومت سندھ کرپشن کیخلاف عدم برداشت کی پالیسی پر عمل پیرا ہے، حکومت سندھ نے محکمہ اینٹی کرپشن کو مزید مضبوط کیا، سندھ ایٹی کرپشن ڈیپارٹمنٹ نے کئی اسکینڈل بے نقاب کیے اور مجرموں کو کیفر کردار تک پہنچایا۔