ایک بار پھر شدید بارش اور ژالہ باری ۔۔ پاکستان کے کون کون سے شہر جل تھل ایک ہو رہے ہیں ؟ جانیے تفصیل
لاہور(قدرت روزنامہ) سیالکوٹ، گجرات اور کھاریاں میں بادل کھل کر برسے، ژالہ باری نے موسم سرما کی آمد کی نوید سنا دی . لاہور میں بوندا باندی اور ہواؤں سے موسم خنک ہوگیا .
سیالکوٹ میں بادلوں نے خوب رنگ جمایا . بارش کے ساتھ ژالہ باری بھی ہوئی . کھاریاں میں بھی ژالہ باری اور بارش سے موسم تبدیل ہوگیا . گجرات میں بھی تیز ہواؤں کے ساتھ بادل خوب برسے، طوفانی بارش کے ساتھ ژالہ باری بھی ہوئی، گلیوں میں برف کی سفید تہہ بچ گئی . ہنزہ، خنجراب اور استور میں برفباری سے ہر منظر سفید ہوگیا . برفباری نے سردی کی شدت بھی بڑھا دی . موسم کا حال بتانے والوں نے پنجاب میں بارشوں کا سلسلہ جاری رہنے کی پیشگوئی کر دی . خیبرپختونخوا کے مختلف علاقوں میں بارش اور پہاڑوں پر برفباری کی توقع ہے . . .
