آج بروز منگل17دسمبر2024پاکستان کے مختلف شہروں میں موسم کیسا رہے گا؟

اسلام آباد(قدرت روزنامہ) آج بروز منگل17دسمبر2024پاکستان کے مختلف شہروں میں آج منگل کے روز ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد اور مطلع جزوی ابر آلود/ابرآلود رہنے کا امکان۔تاہم صبح کے اوقات میں شمال مشرقی/جنوبی پنجاب اور بالائی سندھ کے بعض مقامات پرہلکی سے درمیانی دُھند چھائے رہنے کی توقع۔
بلوچستان کے بیشتر اضلاع میں موسم سرد اور خشک جبکہ پہاڑی علاقوں میں شدید سرد رہے گا تاہم میدانی اضلاع میں جھکڑ/ تیز ہوا ئیں چلنے کی توقع ہے۔
پنجاب کے بیشتر اضلاع میں موسم سرد اور خشک رہنے کا امکان ہے۔ مری، گلیات اور گرد و نواح میں موسم شدید سرد اور مطلع جزوی ابرآلود رہنے کی توقع ہے۔
سندھ کے بیشتر اضلاع میں موسم سرد اور خشک رہنے کا امکان ہے تاہم صبح کے اوقات میں سکھر، شکارپور، کشمور، خیر پور اور گرد و نواح میں ہلکی دھند چھائے رہنے کی توقع ہے۔
خیبرپختونخوا کے بیشتر اضلاع میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہنے کا امکان ہے تاہم چترال، دیر، سوات اور کرم میں ہلکی بارش اور پہاڑوں پر ہلکی برفباری کی پیشگوئی کی گئی ہے۔
کشمیر میں موسم شدید سرد اور مطلع جزوی ابرآلود رہنے کا امکان ہے تاہم گلگت بلتستان میں مطلع جزوی ابرآلود رہنے کے علاوہ ہلکی بارش اور پہاڑوں پر ہلکی برفباری کا امکان ظاہر کیا گیا ہے۔
گزشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہا۔ وسطی/جنوبی پنجاب کے بعض مقامات پرہلکی دُھند چھائی رہی۔
آج ریکارڈکئے گئے کم سےکم درجہ حرارت: لہہ منفی09 ، اسکردو منفی 07، گلگت ، استور منفی 06، بگروٹ، ہنزہ منفی 05 ، کالام میں منفی 04ڈگری سینٹی گریڈ ریکارڈ کیا گیا۔