لاہور سمیت پنجاب بھر میں بارش کی پیش گوئی

اسلام آباد(قدرت روزنامہ)آج بروز جمعۃ المبارک20دسمبرپاکستان کے مختلف شہروں آج جمعہ کے روز لاہور سمیت پنجاب بھر میں بارش کی پیش گوئی کردی۔نجی ٹی وی چینل کے مطابق چیف میٹرولوجسٹ علیم الحسن نے ہلکی بارش برسنے کی پیشگوئی کردی،چیف میٹرولوجسٹ کا کہنا ہے کہ 22اور23دسمبر کو پنجاب میں ہلکی بارش کا امکان ہے ۔

ملک کے بیشتر علاقوں میں موسم سرد اورخشک جبکہ بالائی علاقوں میں شدیدسرد رہے گا۔ رات/صبح کے اوقات میں پنجاب، بالائی سندھ اور خیبر پختونخوا کے میدانی علا قوں میں درمیانی سے شدید دُھند چھائے رہنے کی توقع۔ صبح کے وقت میں خطہ پوٹھوہار، کشمیر اور خیبر پختونخوا کے چند میدانی علاقوں میں کہرا پڑنے کی بھی توقع۔

گزشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہا۔ شمال/مشرقی پنجاب کے بعض مقامات پرہلکی دُھند چھائی رہی۔
آج ریکارڈکئے گئے کم سےکم درجہ حرارت: لہہ منفی11 ، اسکردو منفی 09، زیارت منفی 08، کو ئٹہ ، گلگت، گو پس منفی 07، استور، بگروٹ اور دالبندین میں منفی 06 ڈگری سینٹی گریڈ ریکارڈ کیا گیا۔