آج بروز ہفتہ28دسمبر 2024مختلف شہروں میں موسم کی صورتحال جانئے

اسلام آباد(قدرت روزنامہ)آج ہفتہ کے روز ملک کے بیشتر علاقوں میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان۔ جبکہ بالائی علاقوں میں صبح کے اوقات میں دھند پڑنے کا امکان۔ پنجاب ، خیبر پختو نخوا کے زیادہ ترمیدانی علاقوں اور وسطی سندھ میں صبح / رات کے اوقات میں سموگ/درمیانی سے شدید دُھند چھائے رہنے کی توقع۔
گزشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ اس دوران شمال مشرقی پنجاب اور کشمیر میں بارش ہوئی۔ پنجاب کے میدانی علاقوں اور بالائی سندھ میں سموگ/دُھند چھائی رہی۔
سب سے زیادہ بارش(ملی میٹر): پنجاب: لاہور (ایئرپورٹ 09، سٹی 07)، سیالکوٹ سٹی 09، گوجرانوالہ، قصور 08، حافظ آباد 07، نارووال 06، جہلم، سیالکوٹ ایئرپورٹ 02، منگلا 01، کشمیر: کوٹلی اور راولاکوٹ میں 02 ملی میٹر بارش ریکارڈ کی گئی۔
آج ریکارڈکئے گئے کم سےکم درجہ حرارت: اسکردومنفی13،لہہ منفی12، گوپس منفی 09،استور، گلگت، زیارت منفی08،کوئٹہ ، قلات منفی 07 ،ہنزہ ، بگروٹ منفی 06 اورکالام میں منفی 05 ڈگری سینٹی گریڈ ریکارڈ کیا گیا۔