’’پاوری گرل‘‘ کی سالگرہ، تصاویر وائرل
دنانیر مبین نے سالگرہ کا جشن مناتے ہوئے اپنی تصاویر انسٹاگرام پر پوسٹ کی ہیں
لاہور (قدرت روزنامہ)سوشل میڈیا انفلوئنسر اور ’’پاوری گرل‘‘ کے نام سے مشہور دنیانیر مبین کی سالگرہ کی تصاویر سوشل میڈیا پر وائرل ہیں۔
’’پاوری گرل‘‘ نے فوٹو اینڈ ویڈیو شیئرنگ ایپ انسٹاگرام پر اپنی سالگرہ کی تصاویر شیئر کی ہیں، جنھیں مداحوں کی جانب سے بہت زیادہ سراہا جارہا ہے۔
View this post on Instagram
دنانیر نے سالگرہ کا جشن دھوم دھام سے مناتے سفید باڈی کون میکسی زیب تن کی ہوئی تھی جبکہ بالوں میں پھولوں کا تاج لگایا ہوا تھا۔
خوبصورت تصاویر شیئر کرتے ہوئے دنانیر مبین نے کیپشن میں اپنے تمام چاہنے والوں کا سالگرہ کے پیغامات پر شکریہ اد کرتے ہوئے لکھا کہ ’’دسمبر بے بی، سالگرہ کی محبت اور نیک خواہشات کےلیے آپ سب کا شکریہ۔ میں شکر گزاری سے بھرپور ہوں۔ میں آپ سب سے محبت کرتی ہوں۔‘‘
تصویر کے کمنٹ سیکشن میں مایا علی ٹک ٹاکر ربیکا خان سمیت دیگر سوشل میڈیا صارفین کی جانب سے دنانیر کو سالگرہ کی مبارکباد موصول ہورہی ہیں۔
یاد رہے کہ 2021 میں ایک مختصر دورانیے کی ویڈیو کو انسٹاگرام پر جاری کرنے کے بعد راتوں و رات سوشل میڈیا پر وائرل ہوجانے والی کانٹینٹ کریئٹر دنانیر 2023 میں پاکستانی ڈرامے میں بھی جلوہ گر ہوئیں۔