کراچی: پولیس کی کارروائی، مذہبی جماعت کا 7 مقامات سے دھرنا ختم، ٹریفک بحال
کراچی ( قدرت روزنامہ ) شہر قائد کراچی میں پولیس نے کارروائی کرتے ہوئے ڈیڑھ گھنٹے کے دوران مذہبی جماعت کے 7 مقامات سے دھرنے ختم کرا دیئے جبکہ 3 مقامات پر دھرنا جاری ہے۔
نجی ٹی وی دنیا نیوز نے ٹریفک پولیس کے حوالے سے بتایا کہ جوہر چورنگی سے جوہر موڑ آنے اور جانے والا راستہ کھول دیا گیا جبکہ فائیو سٹار چورنگی پر احتجاج ختم ہونے کے بعد روڈ ٹریفک کے لئے کھول دیا گیا۔
مذہبی جماعت کی جانب سے شمس الدین عظیمی روڈ سرجانی پر دھرنا ختم کر دیا گیا جس کے بعد روڈ کو ٹریفک کے لئے کھول دیا گیا ہے۔
ٹریفک پولیس کا کہنا ہے کہ انچولی سے سہراب گوٹھ شاہراہ پاکستان کو بھی ٹریفک کے لئے کھول دیا گیا اور گولیمار چورنگی سے ناظم آباد 2 تک بھی سڑک ٹریفک کے لئے کھل گئی ہے۔
اس کے علاوہ یونیورسٹی روڈ پر سمامہ کے قریب احتجاجی دھرنا بھی ختم کر دیا گیا جبکہ نمائش چورنگی، عباس ٹاو¿ن، کامران چورنگی اور سفاری پارک کے قریب دھرنا جاری ہے۔
ابو الحسن اصفہانی روڈ عباس ٹاو¿ن میں پولیس دھرنا ختم کرانے پہنچ گئی جبکہ ایس ایس پی ایسٹ اور رینجرز حکام کامران چورنگی پر دھرنا ختم کروانے کے لئے پہنچ گئے ہیں۔