گوجرانوالہ میں ڈکیت اسلحے کے زور پر ٹافیوں کے 2 ڈوبے لے گئے

گوجرانوالہ(قدرت روزنامہ) کامونکی میں ڈکیتی کی انوکھی واردات میں ڈاکوبیکری سے اسلحے کے زور پر صرف ٹافیوں کے 2 ڈبے لوٹ کر لے گئے، وار دات کی وڈیو وائرل ہوگئی۔
“ایکسپریس نیوز” کے مطابق ڈکیتی کی یہ انوکھی واردات تھانہ سٹی کے علاقہ ماڈل ٹاؤن میں رونما ہوئی جہاں بیکری سے2 نامعلوم ڈاکو اسلحہ کے زور پر 2 ٹافیوں کے ڈبے لے کر فرار ہوگئے۔ واردات کی سی سی فوٹیج میں دیکھا جا سکتا ہے کہ ڈاکو اسلحے کے زور پر بیکری سے ٹافیوں کے 2 ڈبے لے کر فرار ہوجاتے ہیں۔ بیکری کے مالک بلال نے بتایا کہ ٹافیوں کے 2ڈبوں کی قیمت 800 روپے تک ہے، اور ڈکیتی کا یہ واقعہ گذشتہ روز پیش آیا تھا جس سے پولیس کو آگاہ کر دیا ہے۔