سال 2024 میں کون سی اہم شخصیات ہم سے جدا ہوگئیں؟
اسلام آباد (قدرت روزنامہ)سال 2024 بھی ہر سال کی طرح ہمیں بہت سے دکھ دے گیا ان میں سے کچھ دکھ ذاتی، کچھ عالمی اور کچھ قومی نوعیت کے تھے، اس سال کے دوران جو اہم شخصیات ہم سے جدا ہوئیں ان میں پہلا نام معروف شاعر اور بینکار عظمت کمال کا ہے وہ معروف نعت گو شاعر ڈاکٹر عاصی کرنا لی کے صاحبزادے تھے، ان کا انتقال یکم جنوری 2024 کو ہوا۔
شاعر خالد بٹ کا انتقال
11 جنوری کو نامور اداکار خالد بٹ کا انتقال ہوا، ان کا ملتان سے تعلق تھا۔
طبی ماہر ڈاکٹر احمد فراز کا انتقال
13 جنوری کو نامور طبی ماہر ڈاکٹر احمد فراز طویل علالت کے بعد رخصت ہو گئے، وہ معروف سفرنامہ نگار ڈاکٹر شگفتہ فراز کے شریک حیات تھے۔
نامور محقق اسلم رسول پوری اور صحافی نذیر ناجی کا انتقال
یکم فروری کو سرائیکی کے نامور محقق اسلم رسول پوری کی وفات کی خبر ملی 21 فروری کو نامور صحافی اور کالم نگار نذیر ناجی کا انتقال ہوا۔
ڈاکٹر پرویز حیدر اور کرکٹر سعید احمد کی وفات
7 مارچ کو معروف معالج ڈاکٹر پرویز حیدر، 21 مارچ کو قومی کرکٹ ٹیم کے سابق کپتان سعید احمد کی وفات ہوئی۔
پروڈیوسر راشد ڈار، سابق پی سی بی چیئرمین شہریار خان کی وفات
20 مارچ کو پی ٹی وی کے پروڈیوسر راشد ڈار ، 23 مارچ کو پی سی بی کے سابق چیئرمین شہریار خان کا انتقال ہوا۔
سرائیکی شاعر مشتاق سبقت، افسانہ نگار عنا اقبال اور صحافی حیدر تقی کا انتقال
25 مارچ کو نامور سرائیکی شاعر مشتاق سبقت ، 30 مارچ کو نامور صحافی اور افسانہ نگار عنا اقبال کا انتقال ہوا۔ 21 اپریل کو ہی سینیئر صحافی حیدر تقی ہم سے جدا ہو گئے، حیدرتقی معروف شاعر رئیس امروہی کے بھتیجےاور روزنامہ جنگ کے بانی ایڈیٹر سید محمد تقی کے صاحبزادے تھے۔
سرائیکی کے جوان سال شاعر اسد اشلوک کا انتقال
16 مئی کو سرائیکی کے جوان سال شاعر اسد اشلوک کا ڈیرہ اسماعیل خان میں انتقال ہوا ۔
اداکار طلعت حسین، صحافی و ماہر تعلیم توقیر بخاری، نیوز کاسٹر تسکین ظفر کی وفات
26 مئی کو نامور اداکار طلعت حسین ، 28 مئی کو ملتان کے جو اں سال صحافی اور ماہر تعلیم توقیر بخاری ، 10 جون کو نیوز کاسٹر تسکین ظفر کا انتقال ہوا۔
شاعر سرور نغمی، کے نامور اداکار سردار کمال، معروف صحافی اور براڈکاسٹر یونس عدیم کا انتقال
یکم جولائی کو اردو اور پنجابی کے شاعر سرور نغمی، 3 جولائی کو ٹی وی اور فلم کے نامور اداکار سردار کمال کا انتقال ہوا ، 3 جولائی کو ہی معروف صحافی اور براڈکاسٹر یونس عدیم انتقال کر گئے، یونس عدیم انتقال کا تعلق لودھراں سے تھا۔
شیف ناہید انصاری، صحافی نصیر رعنا، اداکار مظہر علی کی وفات
6 جولائی کو معروف شیف ناہید انصاری کا انتقال ہوا۔ 23 ستمبر کو ملک کے سینیئر صحافی نصیر رعنا کا انتقال ہوا ۔ 8اکتوبر کو معروف اداکار مظہر علی دنیا سے رخصت ہوئے۔
اداکار عابد کشمیری، شاعر اسلم انصاری کا انتقال
11 اکتوبر کو اداکار عابد کشمیری کے انتقال کی خبر آ ئی ۔ 22 اکتوبر نامور ماہر تعلیم و اقبالیات ، اردو اور فارسی کے شاعر ڈاکٹر اسلم انصاری دنیا سے رخت سفر باندھ گئے۔
شاعر رانا نوشاد قاصر اور ٹی وی اینکر آ ئینہ مثال کی وفات
اردو اور ہریانوی کے شاعر رانا نوشاد قاصر کا 24 اکتوبر کو ملتان میں انتقال ہوا ۔ اسی روز معروف شاعرہ اور ٹی وی اینکر آ ئینہ مثال لاہور میں انتقال کر گئیں، اینکر آ ئینہ مثال استاد شاعر نسیم لیہ کی صاحبزادی تھی۔
موسیقار اور طبلہ نواز طافو، ایڈیٹر رفیق قیصر اور شاعر اقبال سوکڑی کی وفات
20 اکتوبر کو برصغیر پاک و ہند کے عظیم موسیقار اور طبلہ نواز طافو رخصت ہو گئے ۔ 2نومبر کو رہبر کسان کے جواں سال ایڈیٹر رفیق قیصر کا ملتان میں انتقال ہوا ۔ 9 نومبر کو سرائیکی کے معروف شاعر اقبال سوکڑی ہم سے جدا ہو گئے۔
ادیب وصحافی خالد احمد، خطاط اور کاتب قران محمد راشد سیال، شاعر اور ادیب زاہد مسعود اور پہلی انگریزی ناول نگار بیپسی سدھوا کا انتقال
18 نومبر کو نامور ادیب وصحافی خالد احمد کا لاہور میں انتقال ہوا، 12 دسمبر کو عالمی شہرت یافتہ خطاط اور کاتب قران محمد راشد سیال رخصت ہوئے، 25 دسمبر کو معروف شاعر اور ادیب زاہد مسعود طویل علالت کے بعد ہم سے جدا ہو گئے ۔ 26 دسمبر کو پاکستان کی پہلی انگریزی ناول نگار بیپسی سدھوا امریکہ میں انتقال کر گئیں۔