کوئٹہ: پی بی 45 کے 15 پولنگ اسٹیشنوں پر پولنگ آج ہوگی

کوئٹہ (قدرت روزنامہ)کوئٹہ کے حلقے پی بی 45 کے 15 پولنگ اسٹیشنوں پر پولنگ آج ہوگی۔
کوئٹہ کے حلقے پی بی 45 کے 15 پولنگ اسٹیشنوں پر پولنگ آج ہوگی۔
الیکشن کمیشن کے مطابق 15 میں سے 10 پولنگ اسٹیشن مردوں اور 5 خواتین کے ہیں جبکہ کل 51 پولنگ بوتھ بنائےگئے۔
الیکشن کمیشن کا بتانا ہےکہ تمام پولنگ اسٹیشنزحساس ترین قرار دیے گئے ہیں جبکہ حلقے میں پولیس کے علاوہ ایف سی اہلکاربھی پولنگ اسٹیشن پر تعینا ت ہوں گے۔
یاد رہے بلوچستان اسمبلی کے حلقے پی بی 45کوئٹہ سے 8 فروری 2024کو ہونے والے عام انتخابات میں پاکستان پیپلز پارٹی کے علی مدد جتک نے کامیابی حاصل کی تھی ،تاہم ان کی کامیابی کو جے یو آئی (ف)کے امیدوار میر عثمان پرکانی نے الیکشن ٹربیونل میں چیلنج کیا تھا۔
الیکشن ٹربیونل نے بلوچستان کے حلقہ پی بی 45 کے 15 پولنگ سٹیشنز پر دوبارہ گنتی کا حکم دیا تھا جس کے بعد سپریم کورٹ نے بھی پی بی 45 کے متعلق الیکشن ٹریبونل کے فیصلے کے خلاف دائر اپیل خارج کر دی تھی۔