پاکستان کا چین میں زلزلے سے قیمتی انسانی جانوں کے ضیاع پر اظہار افسوس

اسلام آباد ( قدرت روزنامہ ) پاکستان نے چین میں زلزلے سے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
نجی ٹی وی دنیا نیوز کے مطابق ترجمان دفتر خارجہ کی جانب سے جاری ایک بیان میں کہا گیا کہ پاکستان چین میں زلزلے سے ہونے والے المناک جانی نقصان پر دلی تعزیت کا اظہار کرتا ہے، زخمیوں اور لاپتہ افراد کے ساتھ ہماری ہمدردیاں ہیں، جاری امدادی کارروائیوں کے لئے نیک خواہشات کا اظہار کرتے ہیں۔
خیال رہے کہ آج صبح چین اور نیپال میں زلزلے کے باعث 53 افراد ہلاک جبکہ متعدد زخمی ہوئے تھے، زلزلے کے بعد آفٹر شاکس کا سلسلہ بھی جاری ہے۔