وزیراعلیٰ مریم نواز نے ملتان یونیورسٹی آف سائنس اینڈ ٹیکنالوجی میں گرلز ہاسٹل کا سنگ بنیاد رکھ دیا

لاہور ( قدرت روزنامہ) وزیراعلیٰ پنجاب مریم نواز نے ملتان کا دورہ کیا اورملتان یونیورسٹی آف سائنس اینڈ ٹیکنالوجی پہنچ گئیں۔

وزیراعلیٰ مریم نواز نے ملتان یونیورسٹی آف سائنس اینڈ ٹیکنالوجی میں گرلز ہاسٹل کا سنگ بنیاد رکھ دیا۔ گرلز ہاسٹل میں 119 کمرے بنائے جائیں گے۔ گرلز ہاسٹل میں میس ہال، جمنیزیم، تفریحی لاؤنج بھی ہونگے۔

وزیراعلیٰ مریم نواز نے ملتان یونیورسٹی آف سائنس اینڈ ٹیکنالوجی کے مختلف شعبوں کا بھی معائنہ کیا۔ وزیراعلیٰ نے مسٹ یونیورسٹی میں جدید گوگل کلاس رومز، ڈیجیٹل لائبریری کا بھی وزٹ کیا۔