اداکارہ مریم نور نے عمرے کی سعادت حاصل کرلی
کراچی(قدرت روزنامہ)پاکستانی ڈرامہ انڈسٹری کی اداکارہ مریم نور نے بیٹے کی پیدائش کے بعد اپنی خوبصورت فیملی کے ہمراہ عمرے کی سعادت حاصل کرلی۔
اداکارہ نے فوٹو اینڈ ویڈیو شیئرنگ ایپ انسٹاگرام پر ایک پوسٹ کی ہے جس میں انھیں ان کے شوہر اسماعیل بٹ اور بیٹے کے ساتھ خانہ کعبہ کے سامنے دیکھا جاسکتا ہے۔
View this post on Instagram
ان دنوں یہ جوڑا اپنے بیٹے کے ساتھ عمرہ ادائیگی کیلئے سعودی عرب میں موجود ہے جہاں سے انھوں نے روح پرور مناظر اپنے انسٹاگرام کی زینت بنائے ہیں۔
پوسٹ کے کیپشن میں اداکارہ نے عمرے کی سعادت ملنے پر اللہ کی بارگاہ میں شکرادا کرتے ہوئے لکھا کہ ’’الحمدللہ اس خوبصورت سفر کےلیے اپنے محرم کے ساتھ۔ اس سے زیادہ اور کیا مانگ سکتی ہوں؟ ہر چیز کےلیے اللہ کا شکر۔‘‘
مریم نور کی پوسٹ پر سوشل میڈیا صارفین نے جوڑے کو عمرہ ادائیگی کی ڈھیروں مبارکباد دی ہیں۔