میں 60 سال کا ہونے والا ہوں مگر 30 سال کا لگتا ہوں، شاہ رخ خان

اسلام آباد (قدرت روزنامہ)بالی ووڈ اسٹار شاہ رخ خان نے کہا ہے کہ میں ابھی 60 سال کا ہونے والا ہوں مگر اب بھی 30 سال کا لگتا ہوں۔
معروف اداکار دبئی میں اپنے مداحوں میں گھل مل گئے اور اپنی پیشہ ورانہ زندگی، فلم انڈسٹری کے ساتھیوں اور آنے والی فلم کے بارے میں بھی گفتگو کی۔
اس ایونٹ میں شاہ رخ خان نے اپنی چند فلموں کے مشہور ڈائیلاگ بھی دہرائے، جسے حاضرین نے بہت سراہا۔ انہوں نے کچھ مداحوں کو اسٹیج پر آنے کی دعوت کی اور اپنی فلموں کے گانوں پر ڈانس بھی کیا۔
شاہ رخ خان نے اپنی آنے والی فلم ’کنگ‘ کے بارے میں بات کرتے ہوئے کہا کہ اس کی شوٹنگ دبئی اور ممبئی میں ہورہی ہے مگر میرے ڈائریکٹر سدھارتھ انند نے کہا ہے کہ میں اس کے بارے میں تفصیل نہ دوں۔
واضح رہے کہ شاہ رخ خان کی آنے والی فلم ’کنگ‘ کے بارے میں امکان ظاہر کیا جارہا ہے کہ اس میں اُن کی بیٹی سہانہ خان اور معروف اداکار ابھیشک بچن بھی کردار نبھاتے نظر آئیں گے۔