کوئی کسی غلط فہمی میں نہ رہے، اس بار تیاری کیساتھ اسلام آباد جائیں گے: جنید اکبر

پشاور ( قدرت روزنامہ ) پاکستان تحریک انصاف خیبرپختونخوا کے صد ر و رکن قومی اسمبلی جنید اکبر خان نے کہا ہے کہ کوئی کسی غلط فہمی میں نہ رہے ، اس بار ہم پوری تیاری کے ساتھ اسلام آباد جائیں گے۔
نجی ٹی وی دنیا نیوز کے مطابق میڈیا سے گفتگو کرتے ہوئے صوبائی صدر پی ٹی آئی جنید اکبر کا کہنا تھا کہ ہمیں امید نہیں تھی ہم پر اسلام آباد میں گولیاں چلائی جائیں گی، کوئی اس غلط فہمی میں نہ رہے کہ ہم ڈر جائیں گے، اس بار پوری تیاری کے ساتھ اسلام آباد جائیں گے، عمران خان نے حکم دیا تو انہیں اور عوام کو مایوس نہیں کریں گے۔
انہوں نے کہا کہ جس تھانے کی حدود میں پی ٹی آئی کا ورکر قید ہوگا تو ورکرز اس تھانے کی حدود میں پہنچیں گے، تمام ورکر اس تھانے کے باہر دھرنا دیں گے،میں وہی بات کرتا ہو ںجو کر سکوں،میں اس طرح کے ڈرامے مزید برداشت نہیں کروں گا۔
جنید اکبر کا کہنا تھا کہ ہم نہیں چاہتے پارٹی، اداروں یا حکومت کے ساتھ تصادم ہو، پارٹی ہدایات کے مطابق رابطے ہورہے تھے، ہم درمیانی راستہ نکالنا چاہتے ہیں تاکہ ایک پرامن حل کی طرف جائیں، 8 فروری کو صوابی میں جلسے کے حوالے سے تیاریاں کی جارہی ہیں، صوابی کا جلسہ تاریخ کا سب سے بڑا جلسہ ہوگا۔
صدر پی ٹی آئی خیبر پختونخوا نے مزید کہا کہ وزیر اعلیٰ علی امین گنڈا پور حکومت پر اور میں پارٹی سیاست پر فوکس کروں گا،پارٹی میں اب جزاءاور سزا کا نظام لاو¿ں گا،میں کسی وزارت کی دوڑ میں نہیں ہوں، جو گراو¿نڈ میں کام کرے گا وہ آگے آئے گا، حکومت میں تبدیلیاں وزیر اعلیٰ کا مینڈیٹ ہے ،میرا کوئی عمل دخل نہیں۔