کوئٹہ، نامعلوم مسلح افراد کی فائرنگ سے اسسٹنٹ سپرنٹینڈینٹ ڈسٹرکٹ جیل جاں بحق
کوئٹہ (قدرت روزنامہ)کوئٹہ میں نامعلوم مسلح افراد کی فائرنگ سے اسسٹنٹ سپرنٹینڈینٹ جیل جاں بحق ہوگئے ہیں۔
پولیس کے مطابق کوئٹہ میں جیل روڈ پر نامعلوم مسلح افراد کی فائرنگ سے ایک شخص جاں بحق ہوگیا ہے، جس کی شناخت اسسٹنٹ سپرنٹینڈینٹ جیل کوئٹہ محمد عارف رئیسانی کے نام سے ہوئی ہے جو مستونگ کے رہائشی ہیں۔
پولیس کے مطابق جاں بحق محمد عارف کی لاش اسپتال منتقل کردی گئی تھی، جہاں ضروری کارروائی کے بعد ورثا کے حوالے کردیا گیا ہے۔
پولیس کا کہنا ہے کہ ملزمان فرار ہونے میں کامیاب ہوگئے ہیں، جن کی گرفتاری کے لیے چھاپے مارے جارہے ہیں۔
