فاطمہ ثنا شیخ فلم انڈسٹری میں کاسٹنگ کائوچ پر بول پڑیں

ممبئی (قدرت روزنامہ) بالی ووڈ اداکارہ فاطمہ ثنا شیخ نے انڈین فلم انڈسٹری میں کاسٹنگ کائوچ کے حوالے سے اپنا تجربہ بیان کیا ہے۔

ایک حالیہ انٹرویو میں اداکارہ فاطمہ ثنا نے اپنے کریئر کے آغاز میں بھارت کی سائوتھ انڈین فلم انڈسٹری میں کام کے بدلے جنسی استحصال یا کاسٹنگ کاچ سے متعلق انکشافات کیے ہیں۔ ان کا کہنا تھا کہ انہیں ایک کاسٹنگ ایجنٹ نے فلم میں کام کی پیشکش کے لیے فون کیا اور اس دوران وہ مسلسل اشتعال انگیز جملے کہتا رہا جسے وہ نظر انداز کرتی رہیں۔

فاطمہ ثنا کا کہناتھا کہ بعد میں اس کا میسج آیا کہ آپ سب کچھ کرنے کو تیار ہیں نا! جس پر میں نے کہا کہ ہاں میں اپنے کردار کے لیے محنت کروں گی اور وہ سب کروں گی جو فلم کے کردار کے لیے ضروری ہوگا۔فاطمہ ثنا کا یہ بھی کہنا تھا کہ سب لوگ ایسے نہیں ہوتے، ہاں استحصال ضرور ہوتا ہے جو کہ نہیں ہونا چاہیے۔