چیف جسٹس کے 100 دن مکمل، سپریم کورٹ کے زیر التواء مقدمات میں 3 ہزار کی بڑی کمی
سپریم کورٹ نے 8174 مقدمات کا فیصلہ کیا، اعلامیہ
اسلام آباد (قدرت روزنامہ)چیف جسٹس یحییٰ آفریدی پہلے 100 دن مکمل ہوگئے، سپریم کورٹ کے زیر التواء مقدمات میں 3 ہزار کی بڑی کمی آ گئی، سپریم کورٹ نے 8174 مقدمات کا فیصلہ کیا۔
اعلامیہ کے مطابق چیف جسٹس یحیی آفریدی پہلے 100 دن پورے ہوگئے ہیں، ان دنوں میں سپریم کورٹ کے زیر التواء مقدمات میں 3 ہزار کی بڑی کمی آئی ہے۔
سپریم کورٹ نے 8174 مقدمات کا فیصلہ کیا، جبکہ اعلیٰ عدلیہ میں 4963 نئے مقدمات کا اندراج ہوا، سپریم جوڈیشل کونسل نے 2 میٹنگ میں ججز کیخلاف 46 شکایات کا جائزہ لیا۔
اعلامیہ کے مطابق جوڈیشل کونسل نے ججز کیخلاف 40 شکایات کو نمٹایا، جوڈیشل کونسل نے 5 شکایات پر 5 ججز سے ابتدائی جواب مانگا،ایک جج کے خلاف شکایت پر مزید تفصیلات طلب کی گئی ہیں۔
