بھائی کی شادی، پریانکا کے ہار کی قیمت نے مداحوں کو حیران کردیا

ممبئی (قدرت روزنامہ) بالی ووڈ اداکارہ پریانکا چوپڑا نے اپنے بھائی کی مہندی پر کروڑوں روپے کا خوبصورت ہار پہنا جو سب کی توجہ کا مرکز بن گیا۔
بھارتی میڈیا کے مطابق پریانکا چوپڑا کے بھائی سدھارتھ چوپڑا کی شادی کی تقریبات کا آغاز ہوچکا ہے جس کیلئے اداکارہ امریکا سے اپنے شوہر گلوکار نک جونس سمیت سسرال والوں کے ہمراہ بھارت میں موجود ہیں۔پریانکا چوپڑا ویسے تو تقریبات میں مہنگی جیولری پہننے کے باعث اکثر خبروں کی زینت بنتی ہیں لیکن اس بار بھائی کی مہندی میں ان کے گلے کا خوبصورت ہار نہ صرف سب کی توجہ کا مرکز بنا ہوا ہے بلکہ اس کی قیمت نے بھی ان کے مداحوں کو حیران کردیا ہے۔

بھارتی میڈیا کے مطابق اداکارہ کے اس ہار کی قیمت 12 کروڑ بھارتی روپے بتائی جارہی ہے۔بھارتی میڈیا کا بتانا ہیکہ اداکارہ کا یہ ہار گلابی سونے سے بنا ہے اور چھوٹے ہیرے سے مزین ہے جب کہ اس میں قیمتی پتھر بھی جڑے ہیں۔