سونا سستا ہوگیا؛ قیمت آسمان چھونے کے بعد آج نیچے آ گئی
عالمی اور مقامی مارکیٹوں میں سونا سستا ہونے کے ساتھ ہی چاندی کی قیمت بھی کم ہو گئی
کراچی(قدرت روزنامہ)سونے کی قیمت تاریخ کی بلند ترین سطح پر پہنچنے کے بعد آج کم ہو گئی۔
بین الاقوامی اور مقامی سطح پر ہفتے کو ایک بار پھر سونے کی قیمتوں میں کمی واقع ہوگئی۔ بلین مارکیٹ میں فی اونس سونے کی قیمت 8ڈالر کی کمی سے 2861ڈالر کی سطح پر پہنچنے کے باعث مقامی صرافہ مارکیٹوں میں بھی ہفتے کو 24قیراط کا حامل فی تولہ سونے کی قیمت 1046 روپے کی کمی سے 2لاکھ 99ہزار روپے کی سطح پر آگئی۔
اسی طرح ملک میں فی 10 گرام سونے کی قیمت 897روپے گھٹ کر 2لاکھ 56ہزار 344روپے کی سطح پر آگئی۔
سونا سستا ہونے کے ساتھ ہی فی تولہ چاندی کی قیمت 48روپے کی کمی سے 3330روپے اور فی 10گرام چاندی کی قیمت بھی 42روپے کی کمی سے 2854روپے کی سطح پر آگئی۔
