معاشی بہتری سےعام آدمی کے گھر میں خوشحالی آئےگی، مریم نواز
لاہور(قدرت روزنامہ)وزیر اعلیٰ پنجاب مریم نواز نے کہا کہ معاشی بہتری سے عام آدمی کے گھر میں خوشحالی آئے گی، معاشی مشکلات اور سیاسی عدم استحکام کے باوجود ناممکن کو ممکن بنانے پر وزیر اعظم شہباز شریف مبارکباد کے مستحق ہیں، مریم نواز نے انتخابات کے انعقاد کا ایک سال مکمل ہونے پر اظہار تشکر اور خراج تحسین پیش کیا۔
وزیر اعلیٰ پنجاب نے کہا کہ وزیر اعظم شہباز شریف کی قیادت میں ترقی اور خوشحالی کا سفر خوش آئند ہے، معاشی مشکلات اور سیاسی عدم استحکام کے باوجود ناممکن کو ممکن بنانے پر وزیر اعظم مبارکباد کے مستحق ہیں۔
انہوں نے کہا کہ برآمدات اور ترسیلات میں اضافہ، مہنگائی میں کمی، معاشی معجزے کے مترادف ہے، پاکستان میں شنگھائی تعاون تنظیم کا سربراہی اجلاس بڑا واقعہ ہے۔
ان کا کہنا تھا کہ شرح سود اور کرنٹ اکاؤنٹ خسارے میں کمی سے معیشت بہترین ٹیک آف کررہی ہیں، اسٹاک ایکسچینج کا خطے کی تیزی سے بڑھنے والی مارکیٹ بننا تاریخی امر ہے۔
مریم نواز نے کہا کہ ثابت ہوگیا مسلم لیگ (ن) کے دور حکومت میں ہی معیشت ترقی کرتی ہے اور عوام خوشحال ہوتی ہے، معاشی بہتری سے غریب آدمی خوشحال ہوگا۔
وزیر اعلیٰ نے پنجاب واحد صوبہ ہے جہاں اشیائے خورد و نوش میں مہنگائی کی شرح کم ہے، کاشتکار اورعام آدمی آنے والی ترقی اور خوشحالی کے دنوں کو محسوس کر رہا ہے۔