پاکستان میں سونے کی فی تولہ قیمت 3 لاکھ پر پہنچنے کے بعد کم ہوگئی
کراچی(قدرت روزنامہ)پاکستان میں آج سونے کی فی تولہ قیمت 3 لاکھ پر پہنچنے کے بعد کم ہوگئی ہے۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 1046 روپے کمی کے بعد 2 لاکھ 99 ہزار روپے ہوگئی ہے۔
عالمی مارکیٹ میں سونے کی قیمت میں اضافہ ہوا ہے، سونا 8 ڈالر کم ہوکر 2861 ڈالر فی اونس ہے۔
واضح رہے کہ گزشتہ روز سونے کی فی تولہ قیمت ریکارڈ 3 لاکھ 46 روپے پر پہنچ گئی تھی۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔