ایک اور یادگار شام کے لیے تیار ہو جائیں، محسن نقوی

لاہور(قدرت روزنامہ)چیئرمین پاکستان کرکٹ بورڈ (پی سی بی) محسن نقوی نے کہا ہے کہ ایک اور یادگار شام کے لیے تیار ہو جائیں۔اپنے بیان میں چیئرمین پی سی بی کا کہنا تھا کہ 11 فروری کو نیشنل سٹیڈیم کراچی کی افتتاحی تقریب ہوگی۔ تقریب میں پاکستان کے معروف گلوکار فن کا مظاہرہ کریں گے۔ان کا کہنا تھا کہ تقریب میں آتش بازی اور لائٹ شو کا مظاہرہ کیا جا ئے گا۔خیال رہے کہ اس سے قبل تزین و آرائش کے بعد لاہور کے قذافی اسٹیڈیم میں بھی افتتاحی تقریب ہوچکی ہے۔ وزیراعظم شہباز شریف نے قذافی سٹیڈیم لاہور کا افتتاح کیا تھا۔