پی ٹی آئی رہنماوسابق وفاقی وزیرزرتاج گل کے ناقابل ضمانت وارنٹ جاری

اسلام آباد(قدرت روزنامہ)ڈسٹرکٹ اینڈ سیشن کورٹ اسلام آباد نے پی ٹی آئی کی رہنما زرتاج گل کے ناقابلِ ضمانت وارنٹ جاری کر دیئے۔ زرتاج گل کے وارنٹِ گرفتاری سول جج مبشر حسن نے جاری کئے،دورانِ سماعت جج مبشر حسن نے کہا کہ زرتاج گل متعدد بار طلبی کے باوجود عدالت میں پیش نہیں ہوئیں،
ان کے پیش نہ ہونے پر وارنٹِ گرفتاری جاری کر رہا ہوں۔ خیال رہے کہ پی ٹی آئی کی رہنما زرتاج گل کے خلاف تھانہ بارہ کہو میں مقدمہ درج ہے،تھانہ بارہ کہو کے مقدمے میں بانی پی ٹی آئی اور شاہ محمود قریشی بری ہو چکے ہیں۔