ون ڈے رینکنگ ، بابر اعظم کی پہلی پوزیشن خطرے میں پڑ گئی

لاہور (قدرت روزنامہ ) آئی سی سی نے نئی پلیئرز رینکنگ جاری کر دی، ون ڈے بیٹرز میں بابر اعظم کی پہلی پوزیشن برقرار ہے، بھارت کے شبمن گل ایک درجہ بہتری کے بعد دوسری پوزیشن پر آگئے ہیں اور اب بابر اعظم (786) سے صرف 5 پوائنٹس پیچھے ہیں جبکہ روہت شرما سابق پاکستانی کپتان سے 13 پوائنٹس پیچھے تیسرے نمبر پر ہیں۔
تفصیلات کے مطابق فخر زمان بدستور 13 ویں اور رضوان ایک درجہ تنزلی کے بعد 21 ویں پوزیشن پر چلے گئے۔

ون ڈے باؤرز کی رینکنگ میں راشد خان کی پہلی پوزیشن برقرار ہے۔ سری لنکا کےمہیش تھیکشانا ایک درجہ بہتری کےبعد دوسرے نمبر پر پہنچ گئے۔ نیمیبیا کے برنارڈ شولٹز دو درجے چھلانگ کے بعد تیسرے نمبر پر پہنچ گئے ۔
ون ڈے آل راؤنڈرز رینکنگ میں افغانستان کے محمد نبی کی پہلی پوزیشن برقرار ہے۔

آئی سی سی ٹی ٹونٹی بیٹنگ رینکنگ میں آسٹریلیا کے ٹریوس ہیڈ کی پہلی پوزیشن برقرار ہے۔
بھارت کے ابھیشک شرما کی دوسری اور فل سالٹ کی تیسری پوزیشن ہے۔
بابر اعظم 7ویں اور محمد رضوان 9 ویں پوزیشن پر براجمان ہیں۔
ٹی ٹونٹی باؤلرز کی رینکنگ میں ویسٹ انڈیز کے عقیل حسین کی پہلی پوزیشن برقرارہے، ٹاپ ٹین باؤلرز میں پاکستان کا کوئی باؤلر شامل نہیں۔
ٹی ٹونٹی آل راؤنڈرز رینکنگ میں ہاردک پانڈیا کی بدستور پہلی پوزیشن برقرار ہے۔

ٹیسٹ پلیئرز رینکنگ میں انگلینڈ کے جو روٹ پہلے نمبر پر برقرار ہیںَ۔
ساؤتھ آفریقہ کے ٹیمبا باووما دو درجے ترقی کے بعد چھٹے نمبر پر آگئے۔ آسٹریلیا کے عثمان خواجہ دو درجے ترقی کے بعد نویں نمبر پر آگئے۔
پاکستان کے محمد رضوان رینکنگ میں دو درجے ترقی کے بعد 14 ویں نمبر پر آگئے۔ بابر اعظم ایک درجے تنزلی کے بعد 20ویں نمبر پر آگئے۔
ٹیسٹ بولرز میں بھارت کے جسپریت بمرا کا پہلا نمبر برقرارہے۔ آسٹریلیا نیتھن لیون ایک درجے ترقی کے بعد پانچویں نمبر پر آگئے۔ پاکستان کے نعمان علی ایک درجے تنزلی کے بعد چھٹے نمبر پر آگئے۔ ٹیسٹ آل راؤنڈرز میں بھارت کے روندرا جڈیجا کا پہلا نمبر برقرار ہے۔