آئی سی سی چیمپئنز ٹرافی کے وارم اپ میچز کے لیے پاکستان شاہینز کی کپتانی شاداب خان کریں گے
کراچی (قدرت روزنامہ)آئی سی سی چیمپئنز ٹرافی کے وارم اپ میچز کے لیے پاکستان شاہینز کے تین سکواڈز کا اعلان کردیاگیا۔ایکسپریس نیوز کے مطابق 14 فروری کو افغانستان کے خلاف لاہور کے قذافی اسٹیڈیم میں ہونے والے میچ میں پاکستان شاہینز کی قیادت شاداب خان کریں گےْ
کراچی کےنیشنل اسٹیڈیم میں جنوبی افریقہ کے خلاف 17 فروری کو ہونے والے میچ میں محمد ہریرہ ٹیم کی قیادت کریں گے اس کے علاوہ 17 فروری کو دبئی میں پاکستان شاہینز کا مقابلہ بنگلہ دیش سے ہوگا جس میں محمد حارث کپتان ہوں گے۔افغانستان کے خلاف شاہینز کے اسکواڈ میں عبدالفصیح، عرفات منہاس، حسین طلعت، جہانداد خان، کاشف علی، محسن ریاض، محمد عباس آفریدی، عامر خان، محمد اخلاف، محمد عمران رندھاوا اور محمد عرفان خان شامل ہیں۔
کراچی میں شاہینز کا ٹکراؤ جنوبی افریقا سے ہوگا جس کے اسکواڈ میں عماد بٹ، فیصل اکرم، حسن نواز، امام الحق، خرم شہزاد، معاذ صداقت، مہران ممتاز، محمد غازی غوری، نیاز خان، قاسم اکرم اور سعد خان شامل ہوں گے۔دبئی میں بنگلادیش کے خلاف ہونے والے میچ کے اسکواڈ میں عامر جمال، عبدالصمد، علی رضا، اذان اویس، محمد وسیم جونیئر، مبشر خان، موسیٰ خان، عمیر بن یوسف، صاحبزادہ فرحان، صفیان مقیم اور اسامہ میر شامل ہوں گے۔