ڈاڈھیارو بلوچستان کا علاقہ ، سندھ کا سیاحتی علاقہ قرار دینا قابل مذمت ہے ، بی این پی
کوئٹہ(قدرت روزنامہ)بلوچستان نیشنل پارٹی کے مرکزی بیان میں سندھ حکومت کی جانب سے ڈاڈھیارو کو سیاحتی علاقہ قرار دینے والے نوٹیفکیشن پر شدید ردعمل کا اظہار کرتے ہوئے کہا گیا ہے کہ حکومت سندھ نے بلوچستان کی تحصیل کرخ کے یونین کونسل بھلونک کے علاقے” ڈاڑھیارو کتے جی قبر” کو سندھ کے ضلع قمبر شہداد کوٹ میں از خود ڈالنے کا نوٹیفیکیشن جاری کردیا ہے اس معاملے پر حکومت بلوچستان کی خاموشی و بے خبری سوالیہ نشان ہے اس سے پہلے انگریزوں نے بلوچستان کے کئی علاقوں کو سندھ، ایران، اور افغانستان میں شامل کردیا تھا ڈاڈھیارو بلوچستان کا حصہ تھا اور ہمیشہ رہے گابلوچستان کی سرزمین پر نظر رکھنے والے عناصر ناکام ہوں گے سندھ حکومت کی جانب سے ثقافت، سیاحت، نوادرات اور آرکائیوز ڈیپارٹمنٹ کی جانب سے جاری کردہ یہ نوٹیفکیشن بدنیتی پر مبنی ہے سندھ حکومت حب ،ڈاڈھیارو سمیت بلوچستان کے بارڈرز علاقوں کو سندھ میں شامل کرنے کی سازشوں کو بڑھاوا دے رہا ہے جو کہ بلوچ اور سندھی کے درمیان نفرتیں پیدا کرنے کے مترادف ہے بلوچستان نیشنل پارٹی حکومت سندھ کو خبردار کرنا چاہتی ہے کہ ڈاڈھیارو کبھی بھی سندھ کا حصہ نہیں بنے گا اور ایسے جعلی نوٹیفکیشن سے صرف نفرتوں کو ہوا ملے گی فوری طور پر سندھ حکومت نوٹیفکیشن واپس لے –
