کے پی اور سندھ کا مریم نواز کے اچھے اقدامات کو فالو کرنا اچھی بات ہے :عظمیٰ بخاری

لاہور(قدرت روزنامہ) وزیر اطلاعات پنجاب عظمیٰ بخاری نے کہا ہے کہ کے پی اور سندھ کا مریم نواز کے اچھے اقدامات کو فالو کرنا اچھی بات ہے۔مریم نواز کی وجہ سے باقی صوبوں کے لوگوں کو ریلیف ملنا خوش آئند ہے۔مخالفین مریم نواز پر تنقید کی بجائے اپنے لوگوں کے مسائل حل پر فوکس کریں۔ پنجاب میں زراعت، صنعت اور انفراسٹرکچر کا دور اپنے عروج پر ہے۔ مریم نواز ہر شعبے میں انقلابی اور تاریخی اقدامات کررہی ہیں۔پنجاب کو حقیقی معنوں میں فوڈ باسکٹ صوبہ بنانے پر تیزی سے کام جاری ہے۔
وزیر اطلاعات نے مزید کہا کہ پنجاب کی تاریخ میں پہلی مرتبہ کسانوں کےلیے تاریخی400 ارب کا کسان کارڈ پروگرام شروع کیا گیا ہے۔ کسانوں کو گرین ٹریکٹر، سپر سیڈر اور رینٹ پر مشینری کی فراہمی کا سلسلہ بھی کامیابی سے جاری ہے۔مریم نواز پنجاب کے تمام اضلاع میں بلاتفریق لوگوں کو ریلیف دے رہی ہیں۔رمضان نگہبان کے تحت مستحق افراد انکے گھر کے دہلیز پر راشن پہنچایا جائے گا۔ مریم نواز کا ویژن اور پالیسیاں صرف اور صرف عام آدمی کی فلاح و بہبود کےلیے ہیں۔