پتوکی میں کھلے مین ہول میں گرنے سے خاتون اور نوجوان جاں بحق
پتوکی(قدرت روزنامہ)چونیاں روڈ امام بارگاہ کے سامنے مین ہول میں گر کرایک خاتون اور ایک نوجوان جاں بحق ہوگیا، متوفین کے اہل خانہ کا ملانوالہ بائی پاس پر احتجاج، سڑک بلاک کردی۔ایکسپریس نیوز کے مطابق عینی شاہدین کے مطابق چونیاں روڈ پر امام بارگاہ کے سامنےایک خاتون کھلے گٹرمیں جاگری جسے بچانے کے لیے دو راہگیر نوجوان بھی گٹر میں کود پڑے، خاتون اور دونوں نوجوان گٹر کے اندر پھنس گئے جن کو مقامی افراد نے اپنی مدد آپ کے تحت 15 منٹ کی کوشش کے بعد باہر نکالا۔ خاتون اوردونوں نوجوان کو تشویشناک حالت میں تحصیل ہیڈ کوارٹر ہسپتال پتوکی منتقل کر دیا گیا جہاں خاتون اور ایک نوجوان جان کی بازی ہار گئے۔ پولیس کے مطابق تشویشناک حالت میں ہسپتال منتقل ہونے والے دوسرے نوجوان کولاہور ریفر کردیا گیا ہے۔