سندھ حکومت کے ترجمانوں کے بیانات پر عظمیٰ بخاری کا ردعمل آ گیا

لاہور (قدرت روزنامہ) وزیر اطلاعات پنجاب عظمٰی بخاری نے کہا ہے کہ سیہون میں وزیراعلیٰ سندھ کے علاقے میں ہونے والے حادثے کو وفاق پر مت ڈالا جائے۔مالی سال ختم ہونے والا ہے ابھی تک وزیراعلیٰ سندھ اپنے علاقے کی گلیاں، سڑکیں اور ہائی وے نہیں بنا سکے۔سندھ نے جو 956 ارب کا ترقیاتی بجٹ منظور کیا تھا اللہ کرئے وہ جلد از جلد لگ جائے۔ڈمپرز روزانہ کی بنیاد پر کراچی کے شہریوں کو اڑا رہے کیا وہ بھی وفاق کا مسئلہ ہے؟وزیراعلیٰ سندھ اپنے نئے 100 ترجمانوں کو گراؤنڈ رائیلٹی پر بریفننگ بھی دیں۔ ان خیالات کا اظہار انہوں نے سندھ حکومت کے ترجمانوں کے بیانات پر ردعمل دیتے ہوئے کیا۔

انہوں نے کہا کہ مریم نواز پنجاب میں اپنے صوبے کے وسائل سے درجنوں بڑی سڑکیں مکمل کرچکی ہیں اور پنجاب حکومت کے 90 فیصد منصوبے اپنے فنڈ سے مکمل ہو رہے ہیں۔پچھلے 16 سال سے سندھ پر حکومت پیپلز پارٹی کی ہے مسلم لیگ (ن) کی نہیں۔ وفاق سے ہر سال معمول کے مطابق سندھ کو انکے حصے کے فنڈز ملتے ہیں۔وفاق اور صوبوں کے معاملات میں چچا بھتیجی کے رشتے کا کیا تعلق اور اسکا حوالہ کیوں؟

وزیر اطلاعات نے مزید کہا کہ اگر سندھ ان اربوں روپے کے فنڈز سے بھی اپنی سڑکیں نہیں بناسکتا تو پھر آپکا اللہ حافظ ہے۔ان ناتجربہ کار ترجمانوں کو جو جھوٹی سچی پرچیاں دی جاتی وہی بول دیتے ہیں۔جب کارکردگی اور کام بولتے ہوں تو ترجمانوں کا لاؤ لشکر رکھنے کی ضرورت نہیں پڑتی۔کارکردگی اچھی ہوتو کام بولتا جیسے مریم نواز کا کام بول رہا ہے۔ مراد علی شاہ واحد وزیراعلیٰ ہیں جنکو اپنے حلقے میں کام کروانے کے لیے بھی وفاق کی ضرورت پڑتی ہے۔