چیمپئنز ٹرافی ، پاک بھارت میچ کیلئے ٹکٹ 12 لاکھ روپے میں فروخت ہونے کا انکشاف
لاہور (قدرت روزنامہ)آئی سی سی چیمپئینز ٹرافی کا ہائی وولٹیج پاک بھارت مقابلے کیلئے بلیک میں انتہائی مہنگے ٹکٹ فروخت ہونے کا انکشاف ہوا ہے۔
روایتی حریف پاکستان اور بھارت کے دبئی میں ہونیوالے میچ کا ایک ٹکٹ بلیک مارکیٹ میں 12 لاکھ روپے سے زائد میں فروخت ہونے کا انکشاف ہوا ہے۔
انٹرنیشنل کرکٹ کونسل چیمپئنز ٹرافی 2025 کا افتتاحی میچ کل کھیلا جائے گا
میڈیا رپورٹ میں بتایا گیا ہے کہ دبئی میں ہونیوالے ٹاکرے کیلئے بہتر نشستوں کے ٹکٹ 15 لاکھ روپے سے بھی آگے جا سکتے ہیں، آفیشل پلیٹ فارمز پر ٹکٹ حاصل کرنے میں ناکام رہنے کے بعد فینز بلیک مارکیٹرز سے مہنگے داموں ٹکٹ خریدنے پر مجبور ہیں۔
واضح رہے کہ آئی سی سی نے پاک بھارت میچ سمیت دبئی میں ہونے والے میچز کیلئے اضافی ٹکٹ جاری کئے تھے جو ہاتھوں ہاتھ بک گئے۔
