آئی سی سی نے چیمپیئنز ٹرافی کے لیے کمنٹری پینل کا اعلان کردیا، کتنے پاکستانی شامل؟

نیویارک(قدرت روزنامہ)انٹرنیشنل کرکٹ کونسل (آئی سی سی) نے آئی سی سی نے چیمپیئنز ٹرافی 2025 کے کمنٹری پینل کا اعلان کردیا ہے جس میں پاکستان کے مایہ ناز سابق کھلاڑی رمیز راجا اور وسیم اکرم بھی شامل ہیں۔

پاکستان میں تقریباً 3 دہائیوں بعد آئی سی سی کے کسی ایونٹ کا انعقاد ہونے جا رہا ہے جس کے لیے ملک کے 3 انٹرنیشنل اسٹیڈیمز میں بھرپور تیاریاں کی گئی ہیں۔

اس سے قبل پاکستان نے آخری مرتبہ سنہ 1996 کے آئی سی سی ورلڈ کپ کی میزبانی کی تھی جو مشترکہ طور پر پاکستان، بھارت اور سری لنکا میں کھیلا گیا تھا۔

پاکستان کی میزبانی میں چیمپیئنز ٹرافی کا باقاعدہ آغاز بدھ کو کراچی کے نیشنل اسٹیڈیم میں میزبان پاکستان اور نیوزی لینڈ کے میچ سے ہوگا۔

چیمپئنز ٹرافی 2025 کے میچز پاکستان کے تین بڑے شہروں کراچی، لاہور اور راولپنڈی کے علاوہ دبئی میں 19 فروری سے 9 مارچ تک کھیلے جائیں گے۔

دوسری طرف آئی سی سی نے اس میگا یونٹ کے لیے والے بہترین کمنٹیٹریز کا اعلان کردیا ہے، جن میں ناصر حسین ، این اسمتھ ، این بشپ، روی شاستری ایرون فنچ، میتھیو ہیڈن، رمیز راجا، میل جونز، وسیم اکرم، سنیل گواسکر، ہارشا بوگلے، مائیکل ایتھرٹن، پومی بانگوا، سائمن ڈول، ڈیل اسٹین، بازید خان اور دنیش کارتک شامل ہیں۔