چیمپئنز ٹرافی: نیوزی لینڈ کا پاکستان کو 321 رنز کا ہدف
کراچی (قدرت روزنامہ)آئی سی سی چیمپئنز ٹرافی کے پہلے میچ میں نیوزی لینڈ نے پاکستان کو جیت کے لیے 305 رنز کا ہدف دے دیا۔
کراچی کے نیشنل بینک اسٹیڈیم میں کھیلے جارہے چیمپئنز ٹرافی کے پہلے میچ میں نیوزی لینڈ نے مقررہ اوورز میں 5 وکٹوں کے نقصان پر 320 رنز بنائے اور پاکستان کو جیت کے لیے 321 رنز کا ہدف دے دیا۔
نیوزی لینڈ کی جانب سے اوپنر ول ینگ اور ٹام لیتھم نے سنچریاں اسکور کی ہیں۔
View this post on Instagram
ول یونگ 113 گیندوں پر 107 رنز بنا کر آؤٹ ہوئے، ٹام لیتھم 104 گیندوں پر 118 رنز کی اننگز کھیلی، گلین فلپس نے 61 رنز کی اننگز کھیلی۔
کین ولیمسن ایک رن بنا کر نسیم شاہ کا نشانہ بنے، ڈیرل مچل 10 رنز بنا کر حارث رؤف کو وکٹ دے بیٹھے۔
View this post on Instagram
پاکستان کی جانب سے نسیم شاہ اور حارث رؤف نے 2 کھلاڑیوں کو آؤٹ کیا، ابرار احمد نے ایک وکٹ حاصل کی۔
View this post on Instagram
پاکستان کے کپتان محمد رضوان نے نیوزی لینڈ کے خلاف ٹاس جیت کر پہلے فیلڈنگ کا فیصلہ کیا تھا اور نیوزی لینڈ کو پہلے بیٹنگ کی دعوت دی۔
View this post on Instagram
اس سے قبل ٹاس جیتنے کے بعد محمد رضوان نے کہا کہ ٹرائی سیریز میں جو غلطیاں ہوئیں اس پر قابو پائیں گے اور آج کے میچ میں نیوزی لینڈ کو کم سے کم اسکور پر آؤٹ کر کے میچ اچھے مارجن سے جیتنے کی کوشش کریں گے۔
ان کا کہنا تھا کہ بطور دفاعی چیمپئن تھوڑا دباؤ بھی ہے۔ تاہم ٹرائی سیریز سے چیمپئنز ٹرافی کی تیاریوں میں بڑی مدد ملی اور غلطیاں نہیں دہرائیں گے۔
محمد رضوان نے بتایا کہ فاسٹ بولر حارث رؤف مکمل فٹ ہو گئے ہیں اور آج کا میچ کھیل رہے ہیں۔نیوزی لینڈ کے کپتان مچل سینٹنر نے کہا کہ ہم اپنی ٹیم کے کمبی نیشن سے مکمل مطمئن ہیں۔
پاکستان اور نیوزی لینڈ کے باہمی مقابلوں میں گرین شرٹس کا پلڑا بھاری ہے۔ دونوں ٹیموں نے اب تک 118 ون ڈے میچز کھیلے ہیں۔ ان میں 61 پاکستان نے جیت رکھے ہیں۔
تاہم چیمپئنز ٹرافی میں پاکستان اب تک نیوزی لینڈ کو زیر نہیں کر سکا۔ دونوں ٹیمیں دو سیمی فائنل سمیت تین میچز میں مدمقابل آئیں اور تینوں میں بلیک کیپس نے فتح حاصل کی۔
ایک تبدیلی کے ساتھ آج کے میچ کے لیے پاکستان ٹیم ان کھلاڑیوں پر مشتمل ہے۔محمد رضوان (کپتان)، سلمان علی آغا (نائب کپتان)، فخر زمان، بابر اعظم، سعود شکیل، طیب طاہر، خوشدل شاہ، ابرار احمد، شاہین شاہ آفریدی، نسیم شاہ اور حارث رؤف۔
View this post on Instagram
نیوزی لینڈ ٹیم ان کھلاڑیوں پر مشتمل ہے۔
مچل سینٹنر (کپتان)، ول ینگ، ڈیون کانوے، کین ولیمسن، ڈیرل مچل، ٹام لیتھم، گلین فلپس، مائیکل بریسویل، ناتھن اسمتھ، میٹ ہنری اور ول اورکے۔