بلوچستان کو آگ اور خون میں نہلانے والے جلد اپنے انجام کو پہنچیں گے،جمال رئیسانی
کوئٹہ(قدرت روزنامہ)پاکستان پیپلز پارٹی کے رکن قومی اسمبلی نوابزداہ جمال رئیسانی نے بارکھان واقعہ کی مذمت کرتے ہوئے کہا کہ دہشتگردوں نے نہتے مسافروں کو نشانہ بناکر اپنی بزدلی ظاہر کی ہے، کوئی نظریہ بے گناہوں کا خون بہانے کی اجازت نہیں دیتاجمال رئیسانی نے کہا کہ دہشتگرد کا کوئی مذہب ہوتا ہے نہ ہی قوم ۔ بلوچستان کو آگ اور خون میں نہلانے والے جلد اپنے انجام کو پہنچیں گے۔ نوابزادہ جمال رئیسانی نے کہا کہ بارکھان واقعہ میں قیمتی انسانی جانوں کے ضیاع پر دلی رنج ہوا، دکھ کی اس گھڑی میں غمز دہ خاندانوں کے ساتھ کھڑے ہیں۔
