میرے پاس لسٹ ہے کس نے کس طرح الیکشن جیتا:محمود خان

سوات(قدرت روزنامہ )سابق وزیرِ اعلیٰ خیبر پختون خوا محمود خان کا کہنا ہے کہ میرے پاس لسٹ ہے کس نے کس طرح کمٹمنٹ کر کے الیکشن جیتا۔
روز نامہ امت کے مطابق سوات میں وکلا سے خطاب کرتے ہوئے انہوں نے کہا کہ اشارے بہت مل رہے ہیں لیکن بانی پی ٹی آئی کی رہائی تک الگ سیاسی سفر جاری رکھوں گا۔محمود خان کا کہنا ہے کہ پی ٹی آئی میں چار پانچ گروپس ہیں جو آپس میں لڑ رہے ہیں۔ پرویز خٹک کا پی ٹی آئی پی کے ساتھ کوئی تعلق نہیں، جہاں چاہے جا سکتے ہیں۔
ان کا کہنا ہے کہ علی امین کی حکومت خود کچھ کر نہ سکی، میرے دور کی سکیمیں بند کر دیں، صوبے کے 70 فیصد علاقوں میں امن نہیں ہے، حکومت نام کی کوئی چیز نہیں ہے۔
محمود خان نے مزید کہا کہ اسٹیبلشمنٹ ہی واحد ادارہ ہے، جس پر عوام کی نظریں ہیں، وفاقی حکومت صوبے کو واجبات نہیں دے رہی۔