چیمپئنز ٹرافی کے کھلاڑیوں، آئی سی سی نمائندوں کو ٹیکس سے مستثنیٰ قرار دینے کا فیصلہ

اسلام آباد (قدرت روزنامہ)وفاقی کابینہ کی اقتصادی رابطہ کمیٹی نے پاکستان کی میزبانی میں ہونے والی چیمپئنز ٹرافی میں شامل غیرملکی کھلاڑیوں اور آئی آئی سی سی کے نمائندوں کو ٹیکس چھوٹ دینے کی منظوری دے دی ہے۔
یہ منظوری آئی ایم ایف کی حمایت کے بعد آئی سی سی سے ایونٹ کی میزبانی کے لیے کیے گئے معاہدے کے تحت دی گئی۔
اس فیصلے کے مطابق اس ایونٹ میں شامل آئی سی سی عہدیداروں، غیرملکی کھلاڑیوں، کوچز، ایمپائرز، ایجنٹس اور میچز کو کوریج دینے والے میڈیا نمائندوں کو ملنے والے معاوضے سے ٹیکس نہیں وصول نہیں کیا جائے گا۔
میڈیا رپورٹس کے مطابق ٹیکس سے استثنیٰ دینے کے لیے انکم ٹیکس آرڈیننس میں خصوصی ترمیم کی جائے گی اور ٹیکس چھوٹ کی منظوری پارلیمنٹ سے لینا ضروری نہیں۔
واضح رہے کہ چیمپئنز ٹرافی 2025 کا پاکستان کی میزبانی میں 19 فروری کو باقاعدہ آغاز ہوگیا ہے اور اس میں پاکستان سمیت 8 بین الاقوامی ٹیمیں حصہ لے رہی ہیں۔ ایونٹ کا ہائی وولٹیج میچ میں آج روایتی حریف پاکستان اور بھارت دبئی میں آمنے سامنے ہوں گے۔