رکی پونٹنگ نے روایتی حریف بھارت کیخلاف میچ سے قبل پاکستانی ٹیم کو اہم مشورہ دیدیا

لاہور (قدرت روزنامہ) سابق آسٹریلوی کپتان رکی پونٹنگ نے روایتی حریف بھارت کیخلاف میچ سے قبل پاکستانی ٹیم کو اہم مشورہ دیدیا اور کہا ہے کہ بھارت کی ٹیم مضبوط ہے پاکستان کو ابتدا میں جلد وکٹیں لینا ہوگی ورنہ میچ سے انکے ہاتھ سے نکل جائے گا۔

آسٹریلوی لیجنڈ رکی پونٹنگ نے کہا کہ نیوزی لیںڈ سے شکست نے پاکستان کو بڑا دھچکا دیا ہے لیکن انہیں میچ میں کم بیک کرنے کیلئے اپنے آپ پر بھروسہ کرنا ہوگا۔انکا کہنا تھا کہ پاکستانی ٹیم کو نیچے سے اوپر آنا آتا ہے مجھے لگتا ہے کہ میچ میں پاکستان کم بیک کرسکتا ہے، ہمیں پہلے لگا تاکہ ہوم گراؤںڈ پر گرین شرٹس نیوزی لینڈ کو باآسانی ہرادیں گے لیکن ایسا نہیں ہوا۔

سابق کرکٹر نے کہا کہ فخر زمان کی انجری نے پاکستان کو نقصان پہنچایا اور اگر ایسا نہ ہوتا تو نیتجہ کچھ اور بھی ہوسکتا ہے لیکن پاکستان ہمیشہ کی طرح ایک غیر متوقع ٹیم ہے جسکا کسی کو نہیں معلوم ہوتا وہ کیا کرنے جارہے ہیں، انڈین ٹیم کو شکست دینا مشکل ضرور ہے لیکن گرین شرٹس کیلئے ناممکن نہیں۔