1 سال میں 2 رمضان المبارک کب ہوں گے؟
لاہور (قدرت روزنامہ )دنیا بھر میں مسلمان ان دنوں رمضان المبارک کی تیاریوں میں مصروف ہیں لیکن چند سالوں کے بعد دنیا بھر میں مسلمان ایک سال میں 2 مرتبہ ماہِ مقدس کو خوش آمدید کہیں گے۔
روز نامہ جنگ کے مطابق آئندہ چند سالوں میں ایسا ہونے جارہا ہے جب دنیا بھر میں مسلمان ایک مرتبہ پھر سال میں 2 مرتبہ ماہِ رمضان کو پا کر خوب ثواب سمیٹ سکیں گے۔
ایسی دلچسپ اور خوبصورت چیز ہر 33 سال بعد ہوتی ہے۔فلکیاتی حساب کے مطابق 2030ءمیں دنیا بھر میں مسلمان 2 مرتبہ رمضان المبارک کا استقبال کریں گے۔پہلے رمضان کا آغاز 4 جنوری 2030ء اور دوسرے رمضان کا آغاز 26 دسمبر 2030ء کو ہونے کا قومی امکان ہے۔
اس طرح 2030ء میں دنیا بھر کے مسلمان ایک سال میں 36 روزے رکھیں گے۔
اس سے قبل ایک عیسوی سال کے اندر 2 مرتبہ رمضان المبارک کی آمد آخری مرتبہ 1997ءمیں ہوئی تھی اور اب پھر 2030ءکے بعد ایسا دوبارہ 2063ءسے پہلے نہیں ہوگا۔