علیحدگی کی باتیں جھوٹ پر مبنی ہیں، وزیر اعلیٰ بلوچستان میر سرفراز بگٹی

جعفرآباد(قدرت روزنامہ)وزیر اعلیٰ بلوچستان میر سرفراز بگٹی نے کہا ہے کہ علیحدگی کی باتیں جھوٹ پر مبنی ہیں، اور وہ بلوچستان کو ترقی کی جانب لے جانے کے لیے پُرعزم ہیں۔ انہوں نے اپوزیشن لیڈر عمر ایوب کے حالیہ بیان پر تعجب کا اظہار کیا اور کہا کہ بلوچستان ریاست کے لیے انتہائی اہمیت رکھتا ہے، لہذا اسے گندی سیاست سے دور رکھا جانا چاہیے۔
وزیر اعلیٰ بگٹی نے عمر ایوب کے بلوچستان کے آٹھ اضلاع سے متعلق بیان کی مذمت کرتے ہوئے کہا کہ یہ حقیقت سے بعید ہے۔ انہوں نے اپوزیشن لیڈر کو دعوت دی کہ وہ کوئٹہ آئیں، اور انہیں بلوچستان کے تمام 38 اضلاع کی صورتحال دکھائیں گے۔
وزیر اعلیٰ بلوچستان نے مزید کہا کہ وہ تمام لوگوں سے بات چیت کے لیے تیار ہیں تاکہ بلوچستان کی ترقی کے لیے مشترکہ کوششیں کی جا سکیں۔