اسد عمر کی 9 مئی کے 3 مقدمات میں عبوری ضمانتیں خارج
لاہور( قدرت روزنامہ ) انسداد دہشت گردی عدالت نے اسد عمر کی 9 مئی کے 3 مقدمات میں عبوری ضمانتیں خارج کردیں۔
نجی ٹی وی دنیا نیوز کے مطابق انسداد دہشت گردی عدالت کے ایڈمن جج منظر علی گل نے مقدمات کی سماعت کی، عدالت نے اسد عمر کے غیر حاضر ہونے کی وجہ سے عبوری ضمانتیں خارج کردیں۔
واضح رہے کہ اسد عمر کے خلاف جناح ہاوس لاہور اور عسکری ٹاون تھانے میں جلاﺅ گھیراﺅ، لڑائی، توڑ پھوڑ کے مقدمات درج ہیں۔