سپریم کورٹ: مقدمات کی جلد سماعت کے حوالے سے پالیسی تشکیل
اسلام آباد (قدرت روزنامہ)سپریم کورٹ میں مقدمات کی جلد سماعت کے حوالے سے پالیسی تشکیل دے دی گئی۔
سپریم کورٹ کے اعلامیے کے مطابق ضمانت اور ضمانت قبل از گرفتاری کے مقدمات کو جلد سنا جائے گا اور تمام انتخابی عذرداریوں کو سماعت کے لیے جلد مقرر کیا جائے گا۔
اعلامیے میں کہا گیا ہےکہ جلد سماعت کی درخواست میں معقول وجہ کا ہونا لازمی ہوگا، درخواست کے ہمراہ مقدمے میں ہنگامی نوعیت کا ثبوت لف کرنا بھی لازم ہوگا۔
