سیمی فائنل کیلئے کوالیفائی کرنا حیرت انگیز احساس ہے: آصف علی
دبئی (قدرت روزنامہ)ٹی ٹوئنٹی ورلڈ کپ کے دو اہم میچز میں شاندار چھکے مار کر ٹیم کو فتح دلوانے والے قومی کرکٹر آصف علی نے سیمی فائنل میں کوالیفائی کرنے پر شائقین کرکٹ کے لیے سوشل میڈیا پر خصوصی پیغام جاری کیا ہے۔
آصف علی نے اپنے تصدیق شدہ ٹوئٹر اکاؤنٹ پر قومی کرکٹ ٹیم کی تصویر شیئر کی جس میں کپتان بابر اعظم قومی پرچم کو دیکھ رہے ہیں۔
Shukar Alhamdulillah! With your prayers and support, Team Pakistan has qualified for the Semi-Final. Amazing feeling! Keep us in your prayers. May Allah bless us with glory and success. #cricket #T20WorldCup pic.twitter.com/1nnYD6iyze
— Asif Ali (@AasifAli2018) November 3, 2021
ٹوئٹر پر تصویر شیئر کرتے ہوئے آصف علی نے سیمی فائنل کے لیے کوالیفائی کرنے پر سب سے پہلے اللّہ تعالیٰ کا شُکر ادا کیا۔آصف علی نے شائقین کرکٹ سے مخاطب ہوتے ہوئے لکھا کہ ’آپ کی دعاؤں اور سپورٹ سے ٹیم پاکستان نے سیمی فائنل کے لیے کوالیفائی کر لیا ہے۔‘
اُنہوں نے لکھا کہ ’یہ ایک حیرت انگیز احساس ہے، ہمیں اپنی دعاؤں میں رکھیں۔‘قومی کرکٹر نے مزید لکھا کہ ’اللّہ تعالیٰ ہمیں عزت اور کامیابی سے نوازے۔‘
